მრგვალი მაგიდა

4-5 სექტემბერს თბილისში, კონსულტაციისა და ტრენინგის ცენტრში ჩატარდა სამოქალაქო განათლების პედაგოგთა ფორუმის კომიტეტის შეხვედრა. კომიტეტმა საქართველოს 11 რეგიონში დაგეგმა საშემოდგომო რეგიონული ღონისძიებები: მრგვალი მაგიდები და ღია გაკვეთილები. კომიტეტმა ასევე იმსჯელა ფორუმის შემდგომი განვითარების ხედვაზე.

6 სექტემბრიდან 20 სექტემბრის ჩათვლით საქართველოს თერთმეტივე რეგიონში გაიმართება მრგვალი მაგიდები. მათი ფორმატი ითვალისწინებს სამოქალაქო განათლებაში შეფასების ძირითადი პრინციპებისა და მიდგომების წარდგენას.

მიმოხილული იქნება სამოქალაქო განათლების მასწავლებელთა საგნობრივი სასერტიფიკაციო გამოცდების (2011-2012) შედეგები და გამოწვევები. სასერტიფიკაციო გამოცდებთან დაკავშირებით ჯგუფებში დისკუსიის მიზანია სასერტიფიკაციო გამოცდისთვის ეფექტურად მომზადების არგუმენტირებულ იდეების ჩამოყალიბება.

მრგვალ მაგიდებს წარუძღვება გიორგი გახელაძე - ილიას სახელმწიფო უნივერისტეტის ასისტენტ-პროფესორი. გიორგი ამჟამად მასწავლებელთა პროფესიული განვითარების ეროვნულ ცენტრში სამოქალაქო განათლების კონსულტანტია.

მრგვალი მაგიდების კალენდარი ასეთია:

1. სამეგრელო | ზუგდიდი - 6 სექტემბერი
2. აჭარა | ბათუმი 7 სექტემბერი
3. რაჭა-ლეჩხუმი | ამბროლაური - 9 სექტემბერი
4. სამცხე-ჯავახეთი | ახალციხე - 10 სექტემბერი
5. შიდა ქართლი | გორი - 11 სექტემბერი
6. იმერეთი | ქუთაისი 12 სექტემბერი
7. კახეთი | დუისი - 13 სექტემბერი
8. ქვემო ქართლი | რუსთავი - 14 სექტემბერი
9. თბილისი - 15 სექტემბერი
10. მცხეთა-მთიანეთი | მუხრანი - 16 სექტემბერი
11. გურია | ჩოხატაური - 20 სექტემბერი.